சாக்தம்ஸ் என்பதன் பொருள் சக்தி என்பதாம்.

நமது பிரபஞ்சத்தில் இரண்டு நிலைகள் உண்டு. ஒன்று அசைவற்று நிலையாக நின்று கடமைகளை மட்டும் செய்தல் உதாரணம் சூரியன், சந்திரன், ஏனையகிரகங்கள். மற்றொன்று அனைத்து கிரகங்களின்றும் கிடைக்கின்ற சக்திகளை செயல்பாடு கொண்டு உருவாக்குதல் – இது சாக்தம் வகையாம். உதாரணம் மரங்கள், செடிகள், மலைகள்.

கடவுளுடைய சிருஷ்டியாக புல் பூண்டிலிருந்து ஆறறிவு படைத்த மனித இனம் வரை இந்த சக்தியின் செயல்பாடு தெரியவரும். வாழையடி வாழையாக மனித இனத்தின் அறிவாற்றல் முன்னேற்றம் கண்டு வருகிறது. அதுவே மனித இனத்தின் முன்னேற்றத்திற்கும், சுய முன்னேற்றம் மற்றும் நாட்டின் முன்னேற்றத்திற்கும் அடிப்படையாகிறது.

வேதங்களில் கூறியுள்ளபடி – உண்மையான அறிவு என்பது தகுந்த தகவல் பரிமாற்றம் மூலம் சாத்தியமாகும் என்பதன் அடிப்படையில், பஞ்சபூதங்களின் ஆளுமைக்குட்பட்ட நமது ஆலயத்தில் ஓர் அங்கமாக - சாக்தம்ஸ் ரிசர்ச் மற்றும் எஜுகேசன் என்ற அமைப்பின் வாயிலாக, ஒரு காலத்தில் முன்னேற்றமில்லாத மாவட்டங்கள் என்று கருதி, வானம் பார்த்த பூமி என்று வருணிக்கப்பட்ட சிவகங்கை – இராமநாதபுரம் மாவட்டத்தில் பல மனிதகுல முன்னேற்ற சேவைகளை கருத்தில் கொண்டு – விஞ்ஞான ரீதியான அணுகுமுறைகளை முன்நிறுத்தி – அது சார்ந்த ஆராய்ச்சிப் பணிகளை – ஆக்கபூர்வமான நிகழ்வுகளாக நிகழ்த்தும் பொருட்டும் அமைக்கப்படவுள்ளது. சாக்தம்ஸ் என்பதன் விரிவாக்கம் ஸ்ரீ ஆனந்தவல்லி அகாடமி ஃபார் நாலேஜ், ட்ருத், ஹெல்த், அக்ரிகல்ச்சர் அண்ட் மேனேஜ்மென்ட் சயின்ஸஸ்.

தெய்வீகமும் – விஞ்ஞானமும் இரண்டு கண்கள் போல பாவித்து மக்கள் வளர்ச்சியுற்று உலகமும் – பூமியும் – பிரபஞ்சமும் சமச்சீர் அடைந்து, மீண்டும் நமது தெய்வீக உலகம் – சத்யுகம் செல்ல நமக்குநாமே தயார் ஆக – நமது தாய் ஸ்ரீ மகாபஞ்சமுக ப்ரத்யங்கிரா தேவி சாக்தம்ஸ் மூலம் விஞ்ஞானப்பூர்வமான விஷயங்களையும் ஒருங்கிணைத்து நம்மை காத்து அன்புடன் அரவணைக்கிறாள்.